RISI e BISI

Par quatro che magna ghe vol:
Quatro eti de risi;
Meza zeola;
Du eti de panzeta da taiare a cubiti;
Tri o quatro eti de bisi frischi desregolà, mejo se i xe picinin;
Mezo eto de butiro e on sculiero de ojo;
On litro de brodo de polastro;
Calche ramete de parsimbolo;
Nà spolveràdina de pevero;
Qualche spizigo de sale;

Se imprepara cussì:
Far andar on desfrito col butiro, l’ojo e la zeola, zontandoghe du tri sculieri de brodo e la panzeta;

Butarghe i bisi e tegnere alto el fogo (cussi i bisi resta pì verdi ) assando che i bisi se fiapa (i ga da supare tuto el liquido, ma atenti…);

salare solo quando che i bisi sarà coti.

Métare a cosere i risi sol brodo, butandoghe i bisi e tuto el resto a metà cotura;

A cotura finia la minestra (no’l xe risoto) la dovarà essare né fissa né mola, e de on bel colore verde …piselo;

Prima de servire zontarghe on bel pugno de parsìnbolo tridà, el pévaro e, sol piato, informajare par ben.

Racomandazion : pì bisi se mete, pì bona vien la piatanza…