2 chili de ua fragola o grinton
6 sculieri de farina bianca
Se fa cussì:
1.Sgranare i graspi de ua e lavarli par ben, senza sciciarli
2.Butare la ua so na pignatona e farla bójare par na vintena de minuti, fin che i grani s-ciopa
3.Col passaverdura (doparare el discheto co i busi picoli) masenare la ua, fin che se riesse a cavarghe tuto el sugo; vegnarà fora na spece de vin fisseto
4.Fare levare el bójo al pocio e po', jutandosse co on passin fin-fin, butare la farina e smissiare co l'aytrezo che se usa par la polenta: atenti che no vegna fora coàri (i sarìa i "grumi" de farina)
5.El tuto ga da bójare par on cuarto de ora: par tuto el tenpo bisogna menare torno co on sculiero de lehgno, senò se taca tuto!
6. I se magna dopo che i xe deventà fridi, sa no volì che ve faga male el stómego e ve se mova la panza!
NOTA: co la ua fragola no serve zùcaro, ma co la grinton no xe male zontàrghene on paro de sculieri.
