Figà a la venexiana

Par quatro de boca bona

8 eti de fegato de vedelo, a fete alte on zentimetro;
do bele zeole;
ojo stravergine de oliva;
na paela bela larga;

Se fa cussì:

1.Fare el desfrito, in’te sto caso, xe el 90 par zento dela riceta
2.So l’ojo, la zeola tajà fina la ga da ziaparse pian pianelo, fin a deventare squasi trasparente: jutarà on par de sculieri de vin bianco seco, a metà;
3.A desfrito fato, butare so la tecia el fegato tajà a fetele grosse du dii par du dii;
.4.Smissiare con on sculiero de legno, assando che el fegato el se rosola apena tuto torno: no’l ga da sfritegare !
5.Cavare dal fogo e servire de bojo;
6.Le boche fine lo compagna co arquante fete de polenta, bianca o zala, al gusto. No se magna altro.
7.Na graspeta jutarìa a tegnere zo ...le zeole.