Supa de antrighe

Par quatro che magna

• Na trentena de buti de antriga: se cata (co i guanti!), prima che le becaure fiorissa, la zimeta, le fojete fresche in alto dela pianta...

• 1/2 zeola

• 1 spigo de ajo

• oio stravergine de oliva

• On fià de parsinbolo tridà

Se fa cussì:

1.Tajare fina la zeola e métarla in desfrito co l'ajo so na pignata da zinque litri(questo po'el se cava);

2. Zicolare al'ingrosso le antrighe, senpre doparando i guanti, parché le beca;

3. Butare le antrighe in pignata, remenarle a fogo vivo par on minuto e po' zontarghe aqua (pì ghe ne metì, manco fisso vien el brodo);4.Assare che boja par on quarto de ora;

5. Metare el brodo sui piati, dessora a di' crostini de pan, o a supe de pan biscoto;

6. Spolvarar parsinbolo, infromajare par ben e magnare de bojo.

P.S.: in du minuti de bojo le antrighe no le beca pì, quindi co' xe ora de magnarle no steve preocupare par la lengua.