Pesse Pèrsago da istà

Par quatro che magna

4 bei fileti de pesse pèrsego

1 carota

1 zucoleto belo grosso

12 pomodoriti a graspo

2 fojete de salvia

2 spighi de ajo

1/2 zeola

4 sculieri de oio stravergine de oliva

pévaro e sale

Se fa cussì:

1. Tajare a cubiti el zucoleto e la carota, e in do parte i pomodoriti;

2. Tajare al'ingrosso la zeola e farla sfritegare so na paela bela larga, co l'oio insieme co l'ajo e la salvia;

3. Cavàre l'ajo e butare i fileti del pesse in paela, assando scotare a fogo vivo on minuto par parte;

4.Sbassare el fogo, zontarghe tute le verdure, justare de sale e pévaro e assare cusinare par 10 minuti, senza cuercio, revoltando el pesse a metà cotura (fè pian che no'l se spapola...);

5. Metare sol piato insieme co le so verdure e tociare volentiera.