Par quatro che magna
fiuri de sanbugaro: quanti ca ne volì (bisogna catare i primi che
fiorisse), ma va ben na dozena
1 eto e mezo de fiore de farina
2 ovi
1/2 goto de late
1 biciarin de graspa
1 pizego de sale
Na gratadina de noce moscata
oio par frizare
Se fa cussì:
1.Smissiare tuto insieme ( no i fiuri...) sbatendo par ben: vien fora la pastela che serve par tociare i fiuri de sanbugaro).
2.Scaldare l'oio so na paela, stando tenti che no 'l fuma.
3.Lavare e sugare par ben i fiuri de sanbugaro;
4.Tociarli so la pastela e butarli in tecia ch'i se friza;
5.Magnarli caldi, boni anca fridi.
Nessun commento:
Posta un commento