Par quatro che magna
Masenete che da vive le ga on colore verdastro.
Aqua,aseo, sale, ajo, parsimbolo, pevare.
Nà zeola, nà carota (depende dai gusti).
El resto le tuto scrito pì vanti.
Se fa cussì:
1.Se buta na quantità justa (tante) de masenete VIVE* in aqua de bojo salà e co on fià de aseo, assàndole lì par diese minuti boni;
2.Cavarle e butare via le zate e tuto quelo che intriga;
3.Destacare el petorale dala sgussa (drento ala sgussa ghe xe el “coralo”, na polpa arancione);
4.Mètare tuto - sgusse col coralo e petorali - so na terina e conzare co ojo bon, sale e on pesteselo de ajo e parsìnbolo. Pévaro se ‘l piase
5.Del petorale se magna tuto, anca se ‘l scriza soto i denti; dela sgussa solo el coralo cavandolo co na forcheta;
6.Le xe bone mejo frede, magnà el dì dopo parché le ga da ciapare el gusto del pesto, e a tute le ore...
7.Le boche fine al posto del'aqua le fà on brodeto longo co na zeola, na carota e del sèlino, i cava tuto e po' i taca la cotura dele bestiole..
Nessun commento:
Posta un commento