Schìzzoto

Par na bela fameja

1 chilo de farina; metà "00" e metà de "grano duro"

2 bustine de lievito de bira in pólvare (grani)

4 sculieri de struto o anca del lardo

1 goto de late tiepido (150 grami)

2 sculiarini de sale

4 sculiarini de zùcaro

aqua, 400 grami (se pole aumentare el late, ma in tuto ga da vegnere 550 grami de liquido...)

Se fa cussì:

1.So na bela terina, metare la farina “ a fontanela”

2.Butarghe drento el lievito, el zùcaro, el sale, e el late;

3.Smissiare tuto zontandoghe l'aqua e l'struto: l'inpasto ga da èssare mòrbio, né suto né mojo (!)

4.Inpastare de bona oja so la tola par vinti-trenta minuti, fin che l’inpasto diventa muisin, lissio;

5.Fare na bala, métarla so la terina, farghe on tajo a crose sol dessora e incuerciarla; assarla lievitare par 1 ora al caldin.

6.La ga da cressare squasi el dupio! Inpastarla da nuovo par 10 minuti, po’ destirarla in forma tonda (o quadrata o rettangolare o triangolare o a trapezio) che la resta alta on paro de zentimetri.

7.Farghe dele incision dessora, a rete, e sbusolare co la forchetta;

8.Métarla in forno za caldo a 190 gradi e assarla par 20 minuti ( la ga da indorarse dessora e no brusarse soto).