Risoto de Revidui

Par quatro che magna

4 eti de risi (vialon nano);

na carota tajà a daditi;

na ganba de sèlino, taja come la carota;

1 spigo de ajo e 1/2 zeola tajà fina;

ojo stravergine de oliva;

3 eti fra figà de galina, durelo, cuore (i se ciama revidui, frattaglie in ‘talia)

Se fa cussì:

1.Fare on desfrito so l’ojo co la zeola e l’aio ( l’aio se cava e se buta via, dopo ), co le carote e el sèlino;

2.Tajare a daditi i revidui e butarli in tecia a cusinare, zontandoghe on fià de vin bianco e, man man, calche sculiero de brodo;

3.Zontarghe i risi e, dopo verli fati scotare du minuti “a seco”, butare man man del brodeto vegetale o de polastro fin a cotura finìa;

4.Prima de servire, zontarghe on bel pugneto de grana gratà, par maltecare par ben el risoto.