Bigoli co le Sardele

Par quatro che magna

-Quatro eti de bìgoli
-quatro bele sardele salà
-meza zeola tajà fina (vedi P.S.)
-oio stravergine de oliva

Se fa cussì:

1.Fare on desfrito co l'ojo e la zeola che la dovarà ziaparse, no sfritegare: questo se pole fare zontandoghe on sculiero de vin bianco;
2.Fato, zontarghe le sardele tajà a tochetini e assarle sol fuogo a lento, fin che le se desfa (Jutarse schiciando co na forcheta - no le ga da sfritegare);
3. Conzare i bigoli ca gavarì, intanto, finio de cusinare; magnare caldi assè;
4. Me mojere ghe piase infromajare ben par magnare ben, anca se calchedun dise che col pesse no se mete grana.

P.S. Go sentio quatro vecie cuoghe, par sta riceta. Me mama la la fa cussì, nantra senza zeola ma co l'ajo, nantra co ajo e zeola e nantra senza altro che le sardele. Mi la me piase comunque!